Thelma litla

Já, þessi elska...

2007-12-14T13:06:00.000Z

Thelma

Vá! Gæti sagt endalausar...

2007-06-19T15:19:00.000Z

...strætósögur en kýs að gera það ekki. Annað og skemmtilegra að gerast í lífi mínu þessa dagana (sem betur fer).

Ef þið hafið áhuga á mér og mínum þá endilega smellið hér:)

Thelma

Aldrei hefði ég trúað því...

2007-06-05T19:08:00.001Z

...að ég yrði e-n daginn svona dugleg í strætó!

Stelpan tekur þann gula á hverjum degi eins og ekkert sé og hefur enn ekki þurft að rúnta borgarhluta á milli vegna mistaka í leiðavali.

Annars er ég bara að koma lífinu á réttan kjöl eftir prófatíðina góðu. Tekur alltaf smávegis tíma að púsla sér saman eftir tarnirnar. Læra að hafa samskipti við fólk upp á nýtt og svona... ...róleg á dramatíkinni:) Geri mitt besta í rækjubindingum og öðrum skemmtilegheitum á tannréttingarstofunni á Laugaveginum. Held að ég sé bara að komast upp á lag með ýmislegt, þó að af nógu sé að taka og nóg eftir að læra. Skemmtilegt og mikil tilbreyting að þurfa allt í einu að díla við fólk á hverjum degi, í stað þess að bora í dummies og gera heilgóma á módel sem hvorki segja af né á. Fínt að fá smávegis æfingu áður en manni verður dembt inn á klíníkina í haust.

Það versta er þó að vera ekki í Borgarnesi, hjá litlu fjölskyldunni og knúsa frændann. Ég og Hrönn gerðum samt sem áður heiðarlega tilraun til að komast í sveitina á laugardaginn. Sú ferð endaði þó snögglega á Bónusplaninu í Mosfellsbæ, því vatnstankurinn eyðilagðist og við þurftum að snúa aftur í miðborgina með hangandi haus. Gott að við höfðum planað smávegis skemmtilegheit það laugardagskvöldið.

Er alveg himinlifandi með sumarið, sem fer bara ágætlega af stað. Veðrið mætti þó vera örlítið notalegra en ég get alveg beðið aðeins lengur.

Hafið það gott,

Thelma

Lítið að frétta...

2007-05-24T13:30:00.000Z

...nema þá aðallega það að ég er búin að vera að kela svolítið við þennan hérna síðustu daga...

Eins og þið sjáið þá dafnar kúturinn ferlega vel og ég hreinlega sé hann lengjast og mannast á hverjum degi.

Annars er ég mætt aftur í borgina svo ég geti nú stundað vinnuna mína á morgun. Fyrsti dagurinn hjá Gísla Vill og ég er nokkuð spennt að byrja.

Allir sem heimsækja mig í sumar verða svona fallegir

Margrét mín þykist svo ætla að kíkja á mig annað kvöld - ég vona bara að hún rati á Eggertsgötuna, svo langt er síðan við hittumst eða sóttum hvor aðra heim.

Hún verður pottþétt svona hress og pottþétt með þessi gleraugu

Ætlaði að skella mér á Ísafjörð yfr helgina en sú ferð verður því miður að bíða betri tíma. Nota tímann þá bara í lestur og notalegheit og fermingarveislu á Hvanneyri á sunnudaginn.

Sæja mín, kannski ég hitti þig aðeins þar..?
Uuu og annað til þín Sæja pæja. Ekki varst það þú sem kveiktir næstum því í Grundartanga nú í vikunni? Eða varst það kannski þú sem afstýrðir brunanum mikla?

Nú er komið nóg,

Thelma

Fallegastur

2007-05-14T15:31:00.000Z

Ohh, ég get ekki beðið eftir því að klára prófin á morgun og komast aftur upp í Borgarnes til að knúsa þennan litla stubb.

Thelma

Flott erum við

2007-05-11T10:51:00.001Z

Thelma

Nú er Thelma litla...

2007-05-10T12:23:00.000Z

...ekki lengur minnsti fjölskyldumeðlimurinn því lítill prins bættist í hópinn í gær.

Fæðingin gekk vel og nýbökuðum foreldrum og barni heilsast prýðilega. Við renndum úteftir á Akranes til að líta gripinn augum, rétt þremur klukkutímum eftir að hann kom í heiminn og hann svaf sem værast og leyfði okkur að strjúka sig, halda á sér og taka myndir eins og hann hefði ekkert annað gert um ævina (sem var nú kannski einmitt málið). Karl faðir minn spurði mig nú hvort ég færi ekki bara af stað í barnaeldi í kjölfarið og gaf lítið fyrir þau svör mín, að kannski væri hentugt að finna góðan mann fyrst. “Er það ekki bara óþarfi, Thelma mín?” Þannig að nú er bara mál að hefjast handa, fyrst pabbi er búinn að gefa grænt ljós á þetta allt saman. Það þýðir hreinlega ekkert annað.

Ég get hreinlega ekki beðið eftir að fá litlu fallegu fjölskylduna heim og er ennþá spenntari að klára prófin svo ég geti dúllast með þeim alla daga, frá morgni til kvölds.

Thelma

Shift...

2007-05-06T18:29:00.000Z

Áðan drap ég á bílnum mínum á ljósum á Miklubrautinni...

...sem betur fer var ég með sólgleraugu sem huldu nær allt andlit mitt!

Ég held að ég reyni að útvega mér svona fyrir heimferðina á morgun, ef ske kynni að ég dræpi aftur á'onum.

Tjékkið á verðinu á þeim, ekki nema skitinn tuttuguogeittþúsundkall...

Annars las ég eitt svakalegt í DjéVaff í morgun! Haldið ekki að Snooze dúettinn sé hættur og Binni strípa búinn að hefja sólóferil! Juhh minn góður! Ég er hreinlega ekki að höndla þetta! Og það sem meira er, þá er artistanafnið hans Dj BMW, jebb, dídjeií bjéemmvaff! Ég bíð æst og spennt eftir debut-albúminu hans bjéemmvaffs, já það getið þið sko bókað!

Thelma

Í dag er merkilegur dagur af því að...

2007-04-27T17:49:00.000Z

A. ...tvær stórgóðar vinkonur mínar, Halldóra og Sigríður Fanney, eiga afmæli. Til hamingju með það skruddurnar mínar.

B. ...í dag er síðasti dagurinn sem ég mun lesa fyrir fyrsta tannfyllingarprófið mitt á ferlinum.

C. ...í dag fattaði ég hvað það er frábært að keyra ein með GusGus í botni og tralla með.

D. ...í frysta skipti á ævi minni kláraði ég alla fjóra litina í fjögurra lita Bic kúlupennanum mínum (og hef nú átt ansi marga í gegnum tíðina).

Ég var ekki viss hvort ég ætti að ramma hann inn eða ekki og ákvað því bara að henda honum í ruslið með bros á vör.

Thelma

Vúhú!

2007-04-14T13:12:00.000Z

Nú hef ég lokið allri verklegri preklínískri vinnu. Það var reyndar í gær. Þá tekur bara klíníkin við, þar sem ég verð eins og fínn tannlæknir í hvítum costume og bora í og deyfi fólk eins og enginn sé morgundagurinn.

Endilega óskið mér til hamingju með þennan merka áfanga í lífi mínu.
Takk!

Thelma

Coupling

2007-04-10T13:53:00.000Z

Óó, ég elska breska Coupling!

Ég og Bjarni áttum ófáar og góðar stundir fyrir framan skjáinn á Helgamagrastræti 10 hér í denn. Er búin að horfa á gömlu þættina og mikið sem ég get hlegið yfir þeim. Var reyndar að átta mig á því, að líklega horfðum við bara á fyrstu 3 seríurnar fyrir norðan svo ég á, að ég held, eina heila seríu eftir.

Dásamlegt!!

Thelma

Kommúnisti

2007-04-06T15:49:00.000Z

Í hvert skipti sem ég hitti ömmu mína og afa, þá kalla þau mig komma.

Það er frábært:)

Lifi byltingin!

Thelma

Í dag...

2007-04-04T13:49:00.000Z

...á ég ekki lengur lítinn bróðir,

því Jóhann minn er orðinn 14 ára.

Þessi mynd er reyndar tveggja ára gömul, svo þið getið rétt ímyndað ykkur hvað drengurinn hefur vaxið.

Innilega til hamingju með daginn, elsku Jói.

Thelma

Bwaaa...

2007-04-03T00:11:00.000Z

Þetta er upplagður dagur til að gera eitthvað einstaklega skemmtilegt. Þú þarft samt að bretta upp ermarnar og vinna í mikilvægu sambandi. Ekki einblína á það sem skortir í lífinu heldur það sem þú hefur. Það er dásamlegur eiginleiki.

Jájá, ég er farin í páskafrí..! Það er ferlega notalegt..! Ég ætlað fara í heitapottinn um leið og ég kem heim. Hafið það gott.

Off I pop,

Thelma

Elín Anna mín...

2007-03-30T08:25:00.001Z

...nennirðu nokkuð að hringja í mig?
Það er nú meira hvað við eigum erfitt með að ná á hvor aðra..!

Thelma

Fuglasöngur

2007-03-27T23:27:00.000Z

Ohh, það er svo notalegt að vakna upp við fagran fuglasöng á vorin. Það er yndislegt!!

Fór annars í sumarbústað um helgina, hvar vorið var ekki alveg skollið á (reyndar við það að bresta á). Mættum galvaskar og hressar, verulega illa pakkaðar og skóaðar, með mat ofan í heilt bæjarfélag, tölvur, bækur, áfengi, pictionary, kubb og skúffuköku, lengst inn í Þjórsárdal, þar sem við höfðum ákveðið að eyða helginni. Héldum að við værum að villast og bönkuðum uppá hjá bónda nokkrum, sem var að ljúka kvöldverkunum í fjósinu (og bóndakonan reyndar að ljúka kvöldverkum sínum á öðrum stað). Hann glotti eflaust út í bæði þegar hann sá bílkostinn og sagði okkur að við yrðum að rölta þessa leið í bústaðinn. Var svo ljúfur að lána okkur snjóþotudisk til þess að draga farangurinn (mjög lítinn hluta hans reyndar) eins og heimskautaförum einum er lagið. Við hörkuðum í okkur kjark, Anna batt fjöltengið sitt í þotuna og ferðalangarnir klæddu sig í allar tiltækar flíkur, hlóðu á sig þessum magnaða farangri og héldu af stað út í óvissuna. Þarna var farið að hríða nokkuð kröfuglega. Leiðin var greið í fyrstu en eftir að við komumst í gegnum fyrsta hlið þá fór nú róðurinn heldur að þyngjast og snjórinn dýpkaði nokkuð. Veðrið varð hins vegar unaðslegt. Norðurljósin, stjörnurnar og tunglið lýstu okkur leið og rómantíkin varð algjör. Þarna skröltum við fimm, upp brekkur og yfir tún, í gegnum skóginn í hnédjúpum snjónum (náði mér reyndar upp í klof) að það er virtist endalausa leið. Gleðin var ólýsanleg þegar Særún fann loksins bústaðinn góða og þá var ekkert annað en að gefa í, opna bjór, búa um og skella sér svo í heitan pott.
Helgin einkenndist svo af áti, lærdómi, afslöppun, spjalli, meira áti og heitapottsunaði og leiðin í bílinn aftur var mun styttri en við höfðum gert okkur grein fyrir. Þá hafði snjórinn reyndar hopað og við máttum vaða polla og drullu alla leið. Sem var líka ferlega næs eins og flest ef ekki allt þessa helgi.

Ætla að fara að sofa núna svo ég geti notið fuglasöngsins í fyrramálið...

Thelma

Framhald...

2007-03-22T23:53:00.000Z

Jáhh, haldið þið ekki að ég hafi skellt í eina skúffuköku núna rétt fyrir miðnættið, eftir að hafa orðið vitni af mínu fyrsta opinbera social suicide-i. Jújú, ég var einmitt að koma heim af fjórða og síðasta undanúrslitakvöldi Fyndnasta manns Íslands, þar sem síðasti keppandinn var hreinlega púaður niður af salnum og hent út af sviðinu eftir að hafa ítrekað reynt að segja brandara um sjálfsmorð ungabarna!! Það versta var samt að gæjinn hafði með sér handrit upp á svið og rölti inn á það keikur, með fake-standpínu... ...náði ekki alveg brandaranum þar (eða bröndurum hans yfir höfuð)..! Frábært framtak hjá Egilsstaðabúanum knáa!! Gefum honum gott klapp!!
Sá næstsíðasti var líka að austan og hann átti frekar erfitt með að kítla hláturtaugar viðstaddra. Ég tel mig stálheppna að þekkja svona fyndna og frábæra Austfirðinga, því það er greinilegt að e-ð hefur skolast til þegar húmornum var deilt þarna austureftir.

Ég tileinka ykkur hér með þessa færslu!

Carrie og Dolly jolly

Sigmar og Hrafnhildur alltaf að kela

Ógeðslega krullhærð og hress (Margrét og Sigmar líka alltaf að kela)

Annars býst ég ekki við því að læra lengi fram á nótt, þar sem þessi litli bjór (auk glataðra skemmtikrafta) gerðu pínulítið út af við mig. Helginni ætla ég að eyða í lestur í Þjórsárdalnum með fimm föngulegum kvenmönnum. Göngutúrar, heitur pottur og eldgömul kennslubók í Krónu- og brúarfræðum munu kæta mig, auk ófárra trúnóa og jafnvel "Hver hefur ALDREI" (og þú ekki viðstödd Telma). Hafið það ferlega gott um helgina lömbin mín...

...og jáhh, sonur hans Ladda vann í kvöld!

Thelma

Hafið þið upplifað það...

2007-03-22T01:12:00.000Z

...að nenna ekki að fara að sofa og rembast við að læra, til þess að forðast það að þurfa að fara að sofa??

Jamm, þetta er akkúrat það sem ég hef verið að bralla síðustu tvö/tvær kvöld/nætur!

Það er ekki öll vitleysan eins, haaaa...

Thelma

Búin...

2007-03-20T13:49:00.000Z

...að skila Skattframtalinu!

Síðasti skiladagur er á morgun, börnin mín.

Thelma

Ég elska nágranna minn!!

2007-03-18T17:11:00.000Z

Mikið sem ég elska og dýrka og dái nágranna minn. Hann/hún á hvorki meira né minna en 31,73 GB af gvöðdómlegri tónlist en það gera um 5600 lög, sem ég get hlustað á í tæpa 18 sólarhringa, takk fyrir takk. Því miður veit ég ekki hver á í hlut en það skiptir ekki öllu máli. Ef ég verð veik af forvitni þá eru nú ekki margar hurðirnar sem ég þarf að ganga á.

Uuu, stjörnuspáin mín í dag var líka frekar fyndin: Ást fer aldrei til spillis. Vel má vera að þú hellir henni í einhverja átt sem ekkert kemur tilbaka úr, en þá kemur hún bara úr annari átt. Og ef þetta er sönn ást, þá skiptir ekki máli þótt hún sé ekki endurgoldin strax.

Og já eitt í enn, Skallagrímsmenn tryggðu sér oddaleik í 8-liða úrslitum í kvöld á útivelli. Kannski ég kíki á leikinn í Borgarnesi á þriðjudaginn...

Thelma

Sjitt...

2007-03-15T21:04:00.000Z

...hvað við erum ógeðslega tanaðar Soffía! Verðum að farað kaupa okkur bleaching-lotion og flytja inn í helli svo sólin haldi ekki áfram að steikja líkama okkar...

DJÓK!!

Vill e-r borða með mér sushi um helgina?

Thelma

Gerast menn nokkuð mikið svalari??

2007-03-13T11:25:00.000Z

Tjékkið á þessu...

Thelma

En ég hélt ég væri skyggn...

2007-03-12T15:24:00.000Z

Fólk heldur að þú sért skyggn, en í raun ertu bara eftirtektarsamur. Þú kannt svo sannarlega að lesa á milli línanna. Með því að taka allt þetta aukalega í burtu kemstu að kjarna skilaboðanna sem fólk er að senda þér.

Thelma

Súr vika, ekki slæm þó...

2007-03-08T23:49:00.000Z

Verð hreinlega bara að minnast aftur á söngleikinn Leg, sem sýndur er í Þjóðleikhúsinu. Djöfull sem við mættum sveittar á sýninguna eftir spretthlaup niðureftir og djöfull sem við snérum sveittar af henni eftir hlátur, grátur, fruss og afveltur...

Í gær kom Þóra Sif mín í heimsókn. Hún var algjörlega ósjálfbjarga á tölvuna mína, þurfti ítrekað að biðja mig um að hjálpa sér að færa skjáörina og gafst loks upp á gripnum. Stuttu seinna vall upp úr "tölvusnillingnum" Þóru, að eflaust þyrfti ég barað dífragmenta tölvuna mína...
Haaaaa?? Hvað??

Blindi maðurinn var svolítið fyndinn...

Ég fékk skemmtilega setningu beint í fésið í kvöld frá ungum manni, sem ég þekki ekki svo vel:
"Neihh, takk fyrir síðast! Við vorum næstum farin heim saman!"
...og þá var hann rokinn og ég man ekki!

Ég held ég sé pínulítið berdreymin...

Já og hei, mæli með að þið stökkvið út á leigu og náið ykkur í Shopgirl (eða klessist í sófann ykkar og plöggið Skjáinn). Vandræðalegasta mynd sem ég hef séð lengi og það er svo fyndið að vera vandræðalegur. Mér finnst gaman að vera vandræðaleg!

Jebb, ég get ekki annað en beðið helgarinnar með mikilli eftirvæntingu. Þá ætlar meirað segja Margrét að dansa (já og takk fyrir carrot cake og ham[mer]-time í dag Mardí, þú ert öll að verða villt aftur)!!

Thelma

Leg - söngleikur

2007-03-07T19:04:00.000Z

...var algjörlega stórkostleg sýning...

...þið verðið öll að sjá hana!!

Margrét, Telma og Sæja, haldið ekki að Hugleikur okkar sé búinn að búa til MySpace fyrir hverja eina og einustu sögupersónu söngleiksins!!

Tjékkitt!!

Svo reyndi ég að uppfæra tenglalistann eftir bestu getu. Allar ábendingar um viðbætur eða vitlaus heimilsiföng eru vel þegnar!

Thelma

2007-03-04T12:17:00.000Z

Falleg stund á fallegum degi

Óóó, svo falleg stund þegar við Telma komum stelpunum í Búlgaríu á óvart með því að mæta á svæðið!!

Thelma

2007-03-01T16:13:00.000Z

Jáhh allur er varinn góður

Thelma

Nóg að gera...

2007-02-24T12:03:00.000Z

Í vikunni keypti ég mér mitt fyrsta lifandi blóm... ...sjáum til hvað það lifir lengi !

Í kvöld er Árshátíð Félags íslenskra tannlæknanema en undirbúningur hennar hefur staðið yfir svo mánuðum skiptir... ...við bekkjarsystur ætlum ekki að mæta allar í svörtum kjólum þetta árið !

Á svona fallegum dögum kemst ég ekki hjá því að setja á techno-playlistann minn... ...þá langar mig að leika við þessar hér og gera e-ð flippað (já flippað er mega sega röff töff) !

"Feel the love and erection"... ...nei ég meina "Feel the love generation" !!

Thelma

Hver vill koma í snúsnú?

2007-02-14T12:57:00.000Z

Mig langar svo geðveikt...

Thelma

2007-02-06T19:11:00.000Z

Bara fyrir þig Sæsa mín (og auðvitað ykkur hinar Búlgó búbbur!!)

Thelma

Hvurnig í andsk...

2007-01-30T16:47:00.000Z

Já, nú er mér nær allri lokið.
Svo virðist sem góðvinkona mín, sem ég kýs að kalla Ungfrú X, sé nálægt því að missa vitið. Kannski ekki allt vitið, en e-ð er fari að grynnka á hyggjuviti hennar. Með hverjum deginum líkist hún meira og meira fjöldaframleiddri Barbie-dúkku með ljósa lokka og stinnan líkama, sem jafnframt verður nokkuð vel tanaður innan skamms, og hún er svoleiðis búin að hella sér í poppkúltúr Reykjavíkurborgar og sést þar af leiðandi á ótrúlegustu dansstöðum um helgar, svo og á populismasíðum veraldarvefsins.

Hvað ætli valdi þessum straumhvörfum í lífi Ungfrúr X??
Jáhh, hafið þið e-r svör við því lesendur góðir?

Thelma

Afmæli Særúnar

2007-01-25T23:33:00.000Z

Þessi líka bráðhuggulega, helmassaða og súkkulaðibrúna dama hefur nú fyllt árin 24 og í tilefni þess vildi ég óska henni innilega til hamingju með þann árangur.

Þess má geta að risabjórinn kláraði stelpan í einum teig, enda ekki þekkt fyrir neitt annað en að vera hörkukvendi og lætur sko ekki segja sér hlutina oftar en einu sinni.

Megir þú vel lifa og lengi.

Húrahh, húrahh, húrahh, húrahh!!

Thelma

Priceless

2007-01-25T12:43:00.000Z

Thelma

Stjörnuspá dagins

2007-01-22T12:37:00.000Z

Það sem maður gerir í heiminum skiptir máli, ekki það sem maður tekur sér fyrir hendur á jógamottunni í bænum eða hugleiðslu. Hins vegar hjálpar íhugun manni að taka réttar ákvarðanir.

Thelma

Sumar

2007-01-15T14:51:00.000Z

Já það er ekki seinna vænna en að fara að koma sér í svolítið sumarskap. Ég er allavegana orðin verulega spennt fyrir komandi sumri, með öllum sínum blíðviðrisdögum og skemmtilegheitum.

Ég vona líka að Jó mín láti sjá sig á landinu á Typpi 2007 og það væri nú ekki leiðinlegt ef Bellan og Gudda from Oz myndu kíkka við í leiðinni. Svo verður ekki ónýtt að hanga með gettóblasterinn á Austurvelli og spila Kubb á Miklatúni og eiga rómantíska göngutúra við sólsetur á Ægissíðunni. Ég stóla á að Margrét efni gefið loforð og bjóði okkur í óvissuferð til sinna heimahaga og ekki þætti mér leiðinlegt að trítla upp á nokkur fjöll.

Hvert eigum við að fara i Road-trip, stelpur?

Nú, ef að veðurguðirnir bregðast okkur, þá er aldrei að vita nema við gerumst villtar og skellum okkur út fyrir landssteinana og gerum einhvern brjálaðan skandal, eins og okkur einum er lagið.

Já, látið ykkur ekki bregða þó að þið náið mér á sandölum og ermalausum bol nú á næstu dögum. Ég er bara rétt að hita upp fyrir sumarið.

Thelma

Afmæli Margrétar

2007-01-12T18:41:00.000Z

Í dag á hin kynþokkafulla vinkona mín Margrét afmæli. Þessi seiðandi augu svíkja og láta engan ósnortinn.

Margrét, innilega til lukku með árin 24!

Knus
Thelma

LÝSI

2007-01-03T16:24:00.000Z

Í dag keypti ég mér lýsi, því það er svo hollt og gott. Ég hef barasta ekki átt lýsi (hvað þá tekið það inn) í háa herrans tíð og fannst nú aleilis kominn tími til að snúa við blaðinu og verða hraust eins og víkingur.

Thelma

Og á morgun...

2007-01-02T13:34:00.000Z

...ætla ég að mæta í borgina aftur.

Hvern langar að leika :)

Thelma

Hmmmmm...

2006-12-21T12:13:00.000Z

...og þá er henni lokið í bili.

Thelma

Hmmmm...

2006-12-10T23:24:00.000Z

Og þá er Grey's gleðin hafin!

Thelma

2006-12-04T19:15:00.000Z

Elskulegur Mr.Bean

Svona rétt fyrir jólaskapið...

Thelma

2006-11-28T15:44:00.000Z

Meira af þessum skít...

Thelma

2006-11-28T15:41:00.000Z

Og ég sem hélt að Gunnar í Krossinum væri klikk...

Thelma

Spurningakeppni

2006-11-22T23:24:00.000Z

Hvað hrjáir blessaðan manninn?
(Tannsar mega ekki svara)

Thelma

Innilega til lukku Linda mín og Bassi

2006-11-21T17:47:00.000Z

Litla skvísan, Anja Sæberg, kom í heiminn um ellefuleytið í morgun. Mikið ofboðslega er hún falleg.

Knús til ykkar allra þriggja *smakk*

Thelma "frænka"

Ohh svo fyndið..!

2006-11-17T17:40:00.000Z

Brüno og pastor Quinn

Fashion Polizei

Enjoy!

Ég hreinlega varð að bæta þessu við...

Brüno og Jonathan Antin

Funkyzeit

Brüno lærir að dansa

Thelma

Bagginn

2006-11-09T23:34:00.000Z

REIÐISKJÁLF

Subbuleg
kvöldskemmtun!

Erótíski harmónikkuleikarinn og
hagyrðingurinn Leó Strandberger
flytur af sinni kunnu snilld
FÁEINAR SLÁANDI
KLÁMVÍSUR
á sinn alkunna hátt um helgina

Thelma

Overdoze

2006-10-29T15:34:00.000Z

Held ég sé búin að overdoza á þessum blessuðu lyfjum um helgina! Man kannski ekki mikið af því sem ég hef verið að lesa og þyrfti þess vegna helst að fá mér eins og eina minnispillu til að kippa því í liðinn!

Á einhver einhverja svoleiðis pillu handa mér?

Jæææææææja, back to buisness...

Thelma

Ohh...

2006-10-26T15:24:00.000Z

...mig langar svo að fara í jóga og verða liðug eins og kattardýr. Er að hugsa um að skella mér jafnvel á námskeið á nýja árinu og var svona að leita eftir stuðningi og félagsskap e-s ykkar.

Haldið þið ekki að það væri gaman að sveigja sig og beygja eins og þessi myndarlegi maður hérna getur? Hmmm...

Langar e-n með?

Thelma

Í dag var ég lasin...

2006-10-24T22:35:00.000Z

...en svo kom elsku bezta Þóra Sif með afmælispakka og eldaði fyrir mig dýrindis kjúklingarétt!!

Takk fyir mig elsku Þóra Sif mín, held ég sé orðin alveg stálhress eftir þessa upplyftingu:)

Thelma

Mikil ást

2006-10-22T11:52:00.000Z

Svona líður mér akkúrat núna, svo glöð og svo heppin að eiga alla þessa yndislegu vini.
Margrét þú skilur mig, ekki satt? =)

Takk kærlega fyrir mig, fyrir símhringingar og smáskilaboðin og fyrir alveg hreint frábæra helgi.

Thelma

Afmæliskökur að mínu skapi

2006-10-19T19:50:00.000Z

Ég mun verða þeim ævinlega þakklát, sem bakar handa mér svo glæsilega köku í tilefni morgundagsins. Fyrir ykkur sem eruð clueless, þá er ég kannski ekki alveg þrjátíu en það styttist þó óðum í það.

Annars verð ég líka alveg sátt ef þið gefið mér bara Svamps köku, hann er svo einstaklega hress og sprækur, alveg eins og gamla konan ég =)

Obsjón númer þrjú er svo Louis Vuitton taska sem má annaðhvort vera á étanlegu formi eða bara the real deal...

Eigum við ekki annars að dansa aðeins, pínulítið annað kvöld?

Thelma

Batnandi mönnum...

2006-10-17T15:15:00.000Z

...er víst best að lifa =)

Hvernig ætli Turkmenbashi karlinum hafi dottið þetta í hug?

Thelma

Heim í heiðardalinn...

2006-10-12T22:56:00.000Z

Get ekki beðið eftir því að komast heim í sveitina, þar sem ég ætla að eiga góða og rólega helgi í faðmi fjölskyldunar. Skemmtið ykkur vel um helgina, hvar svo sem þið verðið.

Thelma

Ég er með blöðru...

2006-10-08T15:56:00.000Z

...á þumlinum mínum og ráma rödd eftir magnað gærkveldið.
Þessir áverkar eru til sönnunar þess að ég söng frá mér allt vit og hristi tamborinuna af miklum krafti fram eftir kvöldi.

Ætti, svona tæknilega séð, að vera með harðsperrur líka en ég er greinilega komin í góða dansæfingu.
Spurning um að við fjórðu-u-arar stofnum ekki bara hljómsveit í kjölfar þessa bekkjarpartýs, hæfileikarík erum við í það minnsta!

Takk annars fyrir gott kvöld og reyndar bara góða helgi allir saman.

Ofboðslega kát,

Thelma

Ef ég hef e-n tíman...

2006-10-03T22:34:00.000Z

...lýst því yfir að ég hafi óbeit á bandarískum stjórnvöldum og ógeðfelldum gjörðum þeirra, þá hef ég eflaust sjaldan verið jafn viss í minni sök og akkúrat núna!

Mæli með því að þið sjáið The Road to Guantanamo á Kvikmyndahátíð...

Thelma

Everyone is a star...

2006-09-28T14:40:00.000Z

Hvernig lýst ykkur á að fara upp í Öskjuhlíð og horfa á stjörnurnar í kvöld elskurnar? Ef e-r á útvarp sem við getum tekið með okkur þá væri það ekki verra... ...annars er það bara eitt vasaútvarp á haus, eða kannski bara gamli góði WalkMan, ef e-r hefur yfir svoleiðis græju að ráða. Af hverju eru ekki iPodar með útvarpi?? :s
Komplexar nútímans...

Annars verður hópferð í Háskólabíó á Börn, klukkan tíumínúturísex síðdegis... Hverjir ætla þangað?

Thelma

Nýtt uppáhalds...

2006-09-27T19:15:00.000Z

Ég er búin að finna mér glænýtt uppáhaldslag!
Það er megastemmingslag sem fær að hljóma á iTunesinu eða í iPodnum mínum daginn út og daginn inn.
Ég held að þið verðið að tjékka aðeins pínulítið á því, hahh..!

Thelma

Látum ekki bugast...

2006-09-26T23:33:00.000Z

Láttu ekki mótlætið buga þig, heldur brýna,

birtuna má aldrei vanta í sálu þína.

Ef hart ertu leikinn, svo þú átt í vök að verjast,

vert’ekki dapur, njóttu þess heldur að berjast!

Ómar Ragnarsson

Thelma

FöstudagsMARU

2006-09-22T23:53:00.000Z

Takk fyrir notalega kvöldstund Anna, Margrét og Telma...

Thelma

Ohh, svo gaman...

2006-09-21T13:44:00.000Z

Thelma

Nú leggjumst við á eitt...

2006-09-19T14:22:00.000Z

Og hugsum fallega til hennar Særúnar okkar.

Thelma

Hmmm...

2006-09-18T18:57:00.000Z

Thelma

En ógeðslega fyndið

2006-09-14T09:21:00.000Z

Rakst á þessa frétt á forsíðu Fréttablaðsins í dag og gat ekki annað en deilt henni með ykkur.

Kærustur og eiginkonur glæpamanna í borginni Pereira í Kólumbíu hafa nú uppi mótmæli sem kallast "verkfall hinna krosslögðu leggja". Konur neita mökum sínum um kynlíf, nema þeir sveigi út af glæpabrautinni.

Ferlega er þetta hressandi svona að morgni dags.

Thelma

Búlgaría, HH og skóli

2006-09-06T16:51:00.000Z

Sex af okkur átta að skála í kokteil

Skellti mér aðeins óvænt til Búlgaríu í viku. Ég og Telma stukkum á ferð og komum stelpunum okkar svo sannarlega á óvart. Mikil geðshræring braust út þegar við mættum á Barbados, grátur, öskur, hlátur, gleði og faðmlög urðu til þess að minnstu munaði að okkur yrði hent út af staðnum... ...nei reyndar kannski ekki alveg en starfsfólkið horfði agndofa á sjóvið í það minnsta. Vikan leið svo ferlega hratt í kósýheitunum hjá okkur og við eigum eflaust eftir að ilja okkur við það að rifja upp hin skondnustu atvik hvað eftir annað í vetrarkuldanum.

Annars gekk Haus&háls prófið framar öllum vonum hjá mér og skólinn kominn á fullt með alginatsteypingum og mátunum. Hef góða tilfinningu fyrir komandi vetri og öllu því sem hann mun hafa upp á að bjóða.

Endilega kíkkið í kaffi á Eggertsgötuna við tækifæri lömbin mín...

Thelma

Höfuð og háls

2006-08-24T20:50:00.000Z

Já góðir hálsar... Á morgun ku vera prófið góða sem ég hef lært undir síðasta mánuðinn. Ferlega skrýtið að vera að lesa svona yfir sumartímann og ekki vottar fyrir stressi á þessum bænum. Það er fjarri því að ástæðan sé sú, að ég kunni kúrsinn upp á tíu!! Ég held bara að líkaminn sé ekki alveg að átta sig á því að nú er próftíð og að hann eigi að kikka inn smá adrenalíni af og til. Ég er pínulítið ósátt við það, því ég hef verið kærulaus í dag, síðasta dag fyrir próf!! Það er þó skárra en síðast þegar ég las þessa blessuðu líffærafræði, en þá ældi ég hreinlega og svaf ekki fyrir stressi og spenningi í tvær heilar vikur fyrir próf. Þið getið rétt ímyndað ykkur hvað afköstin voru stórfengleg þá... Hmmm...

Prófið verður semsagt milli hálftvö og hálffjögur á morgun, föstudaginn 25. ágúst árið 2006, og þætti mér voðalega vænt um það að þið gæfuð ykkur svona eins og hálfa mínútu á þessu tímabili, til að senda mér power-super-mega-sega-ofur kraftana sem þið megið missa.

Með fyrirfram þökkum,

Thelma

Draumfarir

2006-08-14T17:25:00.000Z

Það er greinilegt að prófdagurinn er farinn að nálgast. Það sem helst gefur til kynna spennustig mitt þessa dagana, eru sjúkir draumar... Svo sjúkir að ég vil helst ekki segja frá þeim hér. Reyndar eru líka nokkir sem eru ferlega saklausir, eða þannig... ...til dæmis hafa flestir sem eru mér nánir eignast dreng eða eru að gifta sig, oftar en ekki er ég stödd í e-s konar Manga-veröld þar sem ég berst við hinar ýmsu ófreskjur eða þá að mig dreymir að ég sé að sofa yfir mig í blessaða prófinu. Svo á ég mér líka yndislega dagdrauma... ...yfirleitt innihalda þeir þá sól, sumar, sand og sólhlífarkokteila...

Um að gera að láta sig dreyma svolítið!

Thelma

Hasselhofgaurinn

2006-08-12T13:31:00.000Z

Alltaf ferskur...

Thelma

The time of my life

2006-08-07T15:29:00.000Z

Smá stemmingsmynd úr lífi mínu þessa dagana. The time of my life úr Dirty Dancing er líka lagið mitt þessa dagana. Ég hef reyndar alltaf sagt að maður hafi það sjaldan jafn gott og í próftíð, ég held að það sé bara raunin núna líka. Ég hef það ferlega fínt yfir Sobota mínum.
Jamm og jú, það er bara þannig...

Thelma

Verzlunarmannakvöldið mitt

2006-08-05T15:00:00.000Z

Ohh, þetta myndband kemur mér ALLTAF í gott skap enda taktarnir í hágæðaflokki. Annars lítir út fyrir það að helgin verði ekki eins súr og ég bjóst við... ...ég á nefninlega von á spennandi heimsókn í kvöld! Ætla að preppa mig vel, láta renna í pottinn, kveikja upp undir grillinu og gera nokkrar upphitunaræfingar til að vera tilbúin í slaginn. Kannski ég dansi bara með Napoleon til þess að komast í ennþá sturlaðari gír...

Thelma

Hmm... ...I wanna eat myself!

2006-08-02T19:48:00.000Z

Thelma

Loftárás á Qana

2006-07-30T12:58:00.000Z

Ísraelskar herflugvélar gerðu í nótt loftárás á fölbýlishús í þorpinu Qana í Suður-Líbanon. Í kjölfar árásarinnar hrundi byggingin með þeim afleiðingum að a.m.k. 54 Líbanir, sem höfðu leitað sér skjóls í kjallara hennar, létust og þar af a.m.k. 37 börn. Árásin hefur verið fordæmd um heim allan. Ísraelskir ráðamenn afsökuðu drápin með því að fólki hefði verið ráðlagt að halda frá Suður-Líbanon vegna yfirvofandi árása. Þeir hafa hins vegar ekki gefið fólki né hjálparstarfsmönnum færi á því að halda brott.

Nú hafa um 750 Líbanir látið lífið í átökunum sem eiga sér stað við landamæri Ísraels og Líbanon og eru það í flestum tilvikum almennir borgarar. 17 óbreyttir borgarar hafa látið lífið í Ísrael. Þetta eru hrein og klár þjóðarmorð!

Thelma

Sigurrós á Klambratúni

2006-07-30T11:52:00.000Z

Sigurrós á Klambratúni í kvöld. Ekki spurning um að mæta þangað.

Thelma

Fjöldamorð Ísraela í Líbanon

2006-07-27T17:06:00.000Z

Undanfarið rétt rúmt ár hafa Líbanir staðið í ströngu við að koma efnahagslífi landsins í réttan farveg og sjálfstæði þess á fót, eftir áratuga langar styrjaldir sem geysað hafa innan landamæra Líbanons. Margir innfæddir muna lítið annað en stríð og hatur, því það var í raun ekki fyrr en 26. apríl 2005, sem síðustu hermennirnir frá Sýrlandi tóku vopn sín og yfirgáfu landið. Ísraelsmönnum og bandamönnum þeirra hefur nú tekist að slökkva alla von í brjósti Líbana með blóðugum morðum á saklausum borgurum, þar á meðal börnum og gamalmennum, og þeir hafa einnig hreinlega lagt suðurhluta Líbanon í rúst. Ísraelar láta sér það ekki nægja, að myrða á hrottafengin hátt innfædda, heldur hafa þeir með aðgerðum sínum reynt að koma í veg fyrir að hjálparstarf gangi fyrir sig, flóttamannabúðir eru vettvangur sprenginga og fjöldamorða og þar að auki hafa Ísraelsmenn jafnvel myrt hjálparstarfsmenn á vegum Sameinuðu þjóðanna.

Samtök herstöðvarandstæðinga hafa sent frá sér ályktun þar sem skorað er á ríkisstjórn Íslands að fordæma mannréttindabrot Ísraels í Líbanon og að beita sér fyrir því að þau verði stöðvuð tafarlaust. Bandaríkjastjórn hefur komið í veg fyrir að fjölþjóðleg ráðstefna í Róm krefjist þess að vopnahlé sé komið á í Líbanon og bæði Bretar og Þjóðverjar hafa staðið í vegi fyrir því að Evrópusambandið beiti sér í því máli. Þennan heigulshátt stórveldanna túlkar svo Ehud Olmert, núverandi forsætisráðherra Ísraels, þannig að heimsbyggðin standi að baki honum og þjóð hans, sem hyggst bæta ófögnuðinn um betur með viðamikilli herkvaðningu í heimalandinu og auknum sprengingum innan líbönsku landamæranna.

"Þegar stórveldin bregðast verða smáríkin að sýna ábyrgð. Íslenska ríkisstjórnin verður að hætta að tala um rétt Ísraels til að verja sig, við erum að tala um fjöldamorð, eyðileggingu, mannréttinabrot og stríðsglæpi!" segir í ályktun Samtaka herstöðvarandstæðinga.

Svo ég vitni nú að lokum í Jón Orm Halldórsson sem skrifaði í miðvikudagsblað Fréttablaðsins,

"Það eru auðvitað Bandaríkin en ekki við sem ráðum þessu. Þau leggjast gegn vopnahléi svo morðin halda áfram. En við ættum að fylgjast með. Við kusum menn sem kusu að fórna okkar merkustu hefð til að styðja stefnu Bandaríkjanna í Miðausturlöndum."

Samtök herstöðvarandstæðinga hafa boðað til mótmælastöðu við bandaríska sendiráðið kl. 17:30 á morgun, föstudag, til að mótmæla hernaði Ísraels.

Þarna ætla ég að vera... ...hvað með þig??

Thelma

Typpi 2006

2006-07-23T22:09:00.000Z

Í stað þess að útlista hvert einasta smáatriði ferðarinnar hef ég ákveðið að veita þess í stað viðurkenningar fyrir góða frammistöðu eins og vert er að gera á hátíðum sem þessari. Nákvæmar lýsingar getið þið lesið á heimasíðum Sjöfrækinna og Frú Sigríðar ef þið hafið áhuga.

Bíltyppi 2006
Polo-arnir skipta þessum titli bróðurlega á milli sín, enda ekki hægt að gera upp á milli þeirra.

Skipulagstyppi 2006
Að sálfsögðu Anna Friðrika, sem tók með sér Swiss-Army-Knife svo e-ð sé nefnt.

Vonbrigðatyppi 2006
Tvíklofið; annars vegar til Önnu sem gleymdi tómatsósunni og hins vegar til Siggu sem gleymdi tvíbreiðu vindsænginni sinni heima. (Vindsæng Thelmu kom líka sterkt inn því loftið í henni dugði skammt!! PASSIÐ YKKUR á Rúmfatalagernum!!)

Grilltyppi 2006
Klárlega Anna Friðrika. Það snerti engin önnur okkar grillið.

Danstyppi 2006
Jóhanna sem sýndi mjög svo eggjandi og erótíska takta í gegnum kvöldið og nóttina.

Bjartsýnistyppi 2006
Thelma og Jóhanna, fyrir að pumpa upp tvíbreiða vindsæng og troða henni svo inn í tjald með herkjum.

Kripplingstyppi 2006
Sigga Fanney sem missti skyndilega annan handlegginn við öxl.

Söngtyppi 2006
Blindfullir nágrannar okkar (sem voru í fjölskylduferð).

Kubbtyppi 2006
Jóhanna, fyrir að vera í báðum sigurliðunum.

Sjöutyppi 2006
Klárlega ekki Særún sem var fáránlega léleg í leiknum.

Drykkjutyppi 2006
Anna Friðrika fyrir að ýta undir drykku útlaganna.

Loðtyppi 2006
Jóhanna og Thelma með mustache.

Sýgaunatyppi 2006
Thelma með skuplu og oversized sunglasses.

Þýskaratyppi 2006
Allur hópurinn fyrir góða viðleytni og fyrir það að reyna.

Roðatyppi 2006
Hérna eru önnur verðlaunin sem allur hópurinn hlýtur. Ekki hægt að skera úr um hver er best að þeim komin.

Skeiðartyppi 2006
Þriðju verðlaunin sem allir áttu svo sannarlega skilið. Þessi verðlaun eru veitt fyrir ómótstæðilegt fimm kvenna spoon í þriggja manna taldi um nóttina.

Gulltyppi 2006
Engin önnur er Særún; hún veit af hverju! Verst að við hinar gátum því miður ekki veitt henni eina einustu keppni.

Held að ég láti þetta duga í bili. Eflaust hef ég gleymt e-m málaflokkum en þeim verður þá bætt við, ásamt myndum hið snarasta.

Thelma

2006-07-22T13:24:00.000Z

Við stelpurnar erum að fara í einnar nætur útileigu e-t austur fyrir fjall! Ætli við skellum okkur ekki bara í Þrastarskóg, þar er eflaust gott að vera. Erum svona að vinna í því að hlaða bílana, redda okkur einu tjaldi í viðbót og svo verður brunað úr Borg uppúr hálfsjö býst ég við. E-ð virðist hafa hellst úr lestinni, mikil veikindi og sjúkrahúslegur valda því. Svo eru líka e-r að vinna eða bara hreinlega að lesa fyrir próf og enn aðrir ekki í réttum landshluta...
...en þannig er það bara. Við dönsum þá bara fáar saman en fáklæddar engu að síður.
Endilega kíkið við ef þið eigið leið hjá.

Thelma

Alltaf gott að breyta til...

2006-07-21T00:31:00.000Z

Það er eins og með bækurnar...
Ég er ekki mikið fyrir það að lesa bækur sem eru á allra vörum, heldur bíð ég í eitt til tvö ár, eða þangað til að þær eru dottnar úr umræðunni, helst til þess að geta lesið þær í friði, myndað mér mína eigin skoðun um innihald þeirra og notið þeirra á minn hátt. Þess vegna ákvað ég líka að fá mér nýja síðu núna, því svo virðist sem gamla síðan mín sé að syngja sitt síðasta... Tekur mig heillangan tíma að pósta einn pistil og ég get ekki lengur sett myndir inn á síðuna. Það hefur verið ferlega vinsælt og hreinlega í tízku að skipta um blogghýsil að undanförnu en nú þykir mér nógu langt síðan flestir gerðu það og þess vegna læt ég loksins verða að því.

Ég vona að ykkur líki við þessar breytingar,

Thelma